Neka Pande Ca Da'at, Pande Ca Molor Na!

MANGA ca pende data tu'a danong ca toe na ngance hemong na lata do sangge leso ho'o. Aku na ca tu toe hemong pende hitu. Manga ngga'eng losa na one nai. Aik na le holes agu pande ding, ngong na bet e pende dise ata tu'a danong. Nggo'o nggae'eng jaong de nai: neka hemong ce koe na. Ae ome hemong, cemol na te manga molor na mose one tana lino ho'o. Nggo'e pende ra ata tu'a danong: neka pande ca da'at, pande ca molor na! 

Ome baca agu takar lite zaman ho'o maksud na pende ho'o, do maksud agu mese na pesan na. Tau ca na, te pehe tau pande da'at. Pande da'at o toe hanang lelo one lako na wa'i agu hamas na lime ge, iwor ga reweng de mu'u agu ici de nai. Ome lako te manga guna, tako ma'ang data, tako tana data, jaong da'at ata agu beti nai latang ata, ata manga da'at hitu ga. Sale mai na ga masala mese. Himi hamas mose.   

Itu nggo'e jaong data tu'a danong ga, lako di'a-di'a ome lako, neka taitar na wa'i ome lako. Neka kiung ata te duha tau kiung, kiung ca duha tau kiung ge. Neka presa ca te manga guna agu pande beti nai de hae agu data, presa ca molor get na. Jaga ici nai, neka pande peno le dor get beti. Naham beti nai, oke taung si ga. Ae beti nai o pande beka beti bana laing na. Pande da'at ngga'eng cemol na. 

Pande da'at ngasang na ome sararu get pande. Nia get ca niak de ru pande. Kiwang get te manga ata molor de hae ga, molor get le ru agu de ru ge ca molor. Te hitu ge sararu hitu. Iwor ga, te manga senget jaong data tu'a. Ome tai jaong lata tu'a, senget get le tilu liu losa one tilu wanang. Cemol na ga, te manga imbi tuing data tu'a agu jaong de hae. Jaong de ru ge ca imbi. Paksa kole ata porong imbi jaong sararu agu pande sungsangak gia. 

Itu nggo'e jaong data tu'a danong ga, neka sararu get pande nana agu inu. Senget tuing data tu'a agu senget jaong de hae. Elo e ata di'a na de ata tu'a agu de hae. Neka do get lelo de ru. Ae ome do lelo agu rait weki ru cemol na te ngance lelo pande molor data bana ding tu. Cemol na ga ome pande molor data, lelon get ga pande da'at. Ae panda sararu agu sungsangak o cemol na pande bena nai agu bongot tilu tau senget jaong molor data. 

Te get manga guna na mata tau lelo di'a data bana. Poko na da'at taung data, ru ge ca di'a. Te get manga guna na nai tau kewara porong losa taung si lasa nai. Ome nggitu lejong na holes agu pande hitu ding, cemol na te manga ngalis na nai agu tamba sararu get pande. Toe ngance ita na benar ga, ae tagu le sararu hitu e nai agu holes. Bo nai ga manga, tapi nai ca do beti. Nai lasa. Terutama beti nai, lasa nai. Peno get nditu si beti cemol na. 

Ome hena le beti nai, biasa na pande manga kole beti weru. Ome manga beti weru, ata lupi ge tua de beti weru kole agu ca iwon ga. Jadi beka get si beti, beka dor get beti. Cemol na ga ndadi mensia beti. Ome mensia beti nai o te manga pikir di'a agu da'at one lako agu mose na ga. Pikir gia ge ga, hia ge ata ca perlu tau senget jaong na lata ga. Taung get ca pande gia benar taung. Te duha tau ci'al lata bana. Toe ngance ci'al lata do. 

Tau sua na ga, pande ata molor na. Do ranga ra pande ca molor one tana lino ho'o. Senget tuing data tu'a, senget jaong de hae, lejong bantu ata, te pande beti nai data, te tako ma'ang data, te tako tana data, te jaong da'at ata, jaong ca molorna, agu kewara di'a itu po pande. Olo kali bagi one nai taung si ca niak tau pande. Ome nggo'e pande ding, co'e akibat na. Inti na, kewara le ru one nai taung si ca niak tau pande. Te pala le sararu agu sungsangak get si. 

Puli hitu ga, neka kawe masala. Ae mose dite one tana lino ho'o ata do ming masala na. Itu nggoe ga, neka kawe mole masala. Neka sengaja na kawe na masala. Eleng ca masala koe ge ga toe bae kawe salang tau di'a na, naha na kole ome masala mese. Pande taung nai, pande oke bo na gesing agu mose. Inti na, ome manga masala neka pande beka porong jadi masala mese. Lonto ca tau porong ita tau ra jaong agu niak. Neka toto gesing. Te manga guna na. 

Neka nggo'e ro, neteng dureng agu walis nggitu nggae'eng pande. Holes weki agu pande na lime nggitu ngga'eng. Holes te manga molor, pande te manga di'a. Da'at nggaeng na pande. Te manga ata bana, te manga bande bana. Inti na pande sungsangak, pande copel le ru. Te manga senget tuing data tu'a. Te imbi presa molor de hae. Cemol na ga te manga ata langat ome lako, te manga ata lelo ome beti. Ae toe manga senang lata do go. Ata sale mai ge tu ga mempo ge cemol na ga.  

Ome niak tau di'a agu lewe na mose ding, te manga ca bana na kole ga, oke ca da'at na agu pande ca molor ge ga. Ome manga holes weki agu pande ca te manga duha lata bana ga hitu tanda te manga molor na mose tu ga. Cemol na camanu ata wedol, te manga nunga ra presa agu pande. Toto gesing get ge pande. Toe bontong lata laing e toto gesing o. Toe kole bontong lata tau pande mesa na toto gesing hitu. Ata le ma'ek ge lata, taing waktu agu tereng molor na pande dite. 

Itu nggo'e, ome niak tu lewe na mose agu ba'es nai mole lata, kewara taung holes agu pande ga. Ome manga pande da'at asi ga, ome manga holes ca te molor hemo ga. Pu'ung leso ho'o, neka diang kole. Itu ge salang tau molor na ga. Pu'ung one nai de ru mai na di'a agu molor na hole agu pande o. Iwon ga, senget tuing data tu'a agu jaong de hae. Inti na ga, senget pende dise ata tu'a danong: neka pande ca da'at, pande ca molor na! (*)

* Oleh: Syamsudin Kadir, Ata Karang Buku "Pende Dise Ata Tu'a Tau Latang Ise Wua Tuka"