NEKA GAKU NGONG DATA

MANGA ca rumus tau molorna lako agu mose one tana lino ho'o. Rumus ho'o ga pande agu pende dise ata tu'a danong. Ata tu'a lintas generasi. Aik laing niae danong ga. Lor na ga. Pende hitu tau latang ite taung ca mose leso ho'o agu ise anak dite ngger wa ding. Pende tau latang wua tuka. Nggo'e jaongna rumus hitu, neka gaku ngong data. Ae gaku ngong data o te pehe le agama agu lata tu'a. Te manga guna agu manfaatna. Do mecik agu da'atna. Pande beti nai agu rusak hubungan agu do ata. 

Itu nggo'e jaong data tu'a danong: Jaga taung jaong agu holes. Pande ca di'ana, oke taung ca da'atra. Intina jaong data tu'a ga porong ite taungo ga neka sungsangak camanu kode seket. Ae kode seket o hang taung latung agu tete one uma data. Ata data murira, mai hang get liha ga. Ata ata kamer tau weri agu jagara, mai tako get liha ga. Tako taung ma'ang agu tana data. Intina, neka pande te molor camanu pande de kode seket.  

Puli hitu ga, sengete jaon de hae, porong di'ana lako one tana lino ho'o. Porong neka sararu agu ndenget mose. Konem pa'itna jaong agu nasehat data, senget get. Ai nditu mangana werana presa. Ome manga werana presa berarti nditue pu'ungna minak agu molorna pande ding ga. Manga tuing mese nditu tau latang taung ite o. Porong te manga niat tau tako taung ma'ang data, te manga pande gaku ngong data. Ae do senget nasehat data, terutama pende data tu'a. 

Ae ome ngitu terus pande agu holes ding, cemolna te manga ata senang. Ruak taung ata tau latang ite. Te lelo lata ome susa ite. Te la'at lata ome beti ite. Te manga langat lata ite ga. Wau ngasang agu pande cenger ga ata mangana ga. Toe cenger ru ge, tapi cenger taung keluarga dite. Jadi, pikir lewe ome pande sungsangak: ngaku ngong data. Neka lelo get minak ca pisa menit hitu ge na. Lelo ngger olo na. Pikire dampak woes taung ise anak agu keluarga ding. 

Ome olone pande gaku ngong data ding, naham sanggen tu'a ding, nggo'o jaong data aram londo dise ca ngaku ngong data o? Pu'ung empo tae ra danong ga, sanggen ise leso ho'o, cama taung pande agu holes ra. Nggitu kole ise anak ngger wa ding, loe taung lata. Ipo taung wae mu'u lata, ae te manga senang laing tau latang ite. Nggo'o jaong data, ata mensia tako ming ise tu ra. Kone empo agu taera agu ine amera danong ata tako eros, mensia tako mese. Gaku ngong data. Londo ming dise tu. 

Terusna ga, apa na wuana gaku ngong data o? Te manga wua di'ana. Bo wua da'atna. Ome do da'atna, peno le masala jirina. Nggo'o taung jaong data, e ata mensia tako ming ise tu da. Mensia kode seket. Mensia tako mese. Mensia mese nai. Mensia benga. Hitu ca pande tamba wau ngasang ding ga. Ise anak ding ga jadi cenger kole. Cenger le pande agu holes weki dise ata tu'ana. Cenger le tako dise ata tu'ana. Masu ngasang cemolna. Woes camanu woes ndaot mata ca de depet mosena. 

Intina pende data tu'a ga porong di'an holes agu pande dite o. Te manga pande beti nai data. Te manga tako agu gaku ngong data. Porong molorna pande agu mose one tana lino ho'o ca cekaut ho'o. Ae te manga ata lewe mose one tana lino ho'o. Konem co'ona lewenna nai ding, tetap mata e cemolna. Pikir hitu ming ca pentingna. Neka hemong mata. Nuk tu'u mata. Modalna ga di'an holes weki agu pande. Di'a presa tau agu ata. Neka gaku ngong data. 

Tapi ome toe hang le jaong agu pende dise ata tu'a ga, pande na ga. Oe na tana lino tau pande sararu hitu. Laingca manga nai agu sungsangak hitu. Ma baen le muri keraeng agu le ru dite o ding. Aku ata tau jaong ge. Tuing ca tu'una tau porong molorna lako dite taung one tana lino ho'o. Aku te hanang tau jaong tau ata bacana tulisan ho'o ge, tapi ta latang ru gaku. Eng terutama tau latang ru gaku. Tapi intina manga one nai agu wekiru taung dite o. Eng agu toena. Do'a ge gaku ga semoga manga manfaatna tulisan ho'o tau latang ru agu latang ata bacana. Porong te gaku ngong data agu porong di'an holes agu mose one tana lino ho'o. (*)

* Oleh: Syamsudin Kadir, Ata karang buku "Pende Dise Ata Tu'a Tau Latang Wua Tuka"